Pàrantan agus luchd-cùraim

Fiosrachadh do phàrantan agus luchd-cùraim

Thug Riaghaltas na h-Alba a-steach na Scottish National Standardised Assessments (SNSA) agus an riochd Gàidhlig, Measaidhean Coitcheann Nàiseanta airson Foghlam tron Ghàidhlig (MCNG) mar phàirt den Fhrèam-obrach Leasachaidh Nàiseanta. Còmhla, canar na measaidhean seo mar na Measaidhean Coitcheann Nàiseanta na h-Alba (MCN).

Airson gum bi an cothrom as fheàrr aig clann agus daoine òga an comas as àirde a choileanadh, feumaidh tuigse a bhith aig pàrantan, luchd-cùraim, luchd-teagaisg agus an luchd-ionnsachaidh fhèin air mar a tha iad a’ faighinn air adhart, agus dè an taic a bharrachd a dh’fheumas iad. Còmhla ri taghadh farsaing de ghnìomhan measaidh eile, cuidichidh na measaidhean leis an tuigse seo le bhith a’ toirt fiosrachadh do luchd-teagaisg a tha cothromach agus cunbhalach aig ìre nàiseanta air mar a tha luchd-ionnsachaidh a’ faighinn air adhart ann am feartan àireamhachd agus litearrachd. Faodaidh luchd-teagaisg an uair sin bruidhinn air adhartas gach neach-ionnsachaidh cuide riutha fhèin agus rim pàrantan/luchd-cùraim, na h-ath cheumannan a phlanadh, agus dèanamh cinnteach gum bi tuigse aca air na dòighean as fheàrr air taic a thoirt do ionnsachadh am pàiste san dachaigh.